Ég elska þessa síðu... www.spamadur.is



Stafariddari

Persónuleiki
Fyndinn, ljúfur og myndarlegur maður birtist hér. Hann er hlýr, gjafmildur, skemmtilegur og vinamargur en fólk dregst samstundis að persónuleika hans við fyrstu kynni. Hann leitar nánast uppi ævintýri hvar sem hann stígur niður fæti og tekst sífellt á við nýja reynslu. Oft á tíðum er hann villtur og óábyrgur.

Aðstæður
Spenna og hraði eiga vel við hérna. Ferðalag, flutningar og líkamleg hreyfing birtist þegar kemur að aðstæðum þar sem breytingar til batnaðar og ævintýri eru framundan hjá þér.



Stafagosi

Persónuleiki
Hér er á ferðinni lífleg manneskja sem færir þér skemmtilegar stundir og ekki síður spennu. Vinátta ykkar er án efa byggð á trausti. Persónan sem um ræðir birtist mér mjög glaðleg og nýtur þess að spjalla við þig oftar en ella. Viðkomandi færir þér góðar fréttir innan tíðar.

Aðstæður
Efnahagslegt öryggi knýr hjarta þitt ekki áfram hér heldur kýst þú að láta dekra við þig eins og lítið barn. Þú virðist vita hvað þú þráir á sama tíma og þú ert hugmyndrík/ur, næm/ur og þolgóð/ur. Þú ert fær um að skilja eigin tilfinningar. Hér birtist þú yndislega sveigjanleg/ur, greiðvikin/n og undantekningarlaust töfrandi í alla staði. Hér lætur sálin án efa undan með því að hlýða á hjartað. Glampi skín úr augum þínum sökum vellíðunar.

...mmm hljómar ekki illa! ;)

Fór á Vetrarhátíðina í skólanum í gær. Skemmti mér bara ágætlega... kíkti svo í bæinn með stelpunm og Balaz. Fór í fyrsta skipti á ellefuna og ég verð að segja að mér fannst bara frekar mikið stuð þar... Núna er ég frekar þreytt eitthvað... þó hafragrauturinn sem ég fékk mér í morgunmat hafi bjargað deginum!! Búin að koma mér fyrir uppi í sófa með teppi... í leggings og hettupeysu... eins og mér líður best!! Æi hvað mig er farið að langa í einhvern huggulegan til að kúra með... ætla aðeins aftur upp í rúm áður en ég fer að vinda mér í verkefnin sem býða mín í dag! En ekki fyrr en eftir að ég er búin að horfa á ANTM sem ég missti af fyrr í vikunni! O boy... táraðist yfir queer eye for the straight guy... svona er ástandið á manni!!

Ljós í kvöld...
Peace