Fasta pasta

Eftir að hafa vaknað í morgun með hita... farið að kenna Jump Fit og lagst aftur upp í rúm og hríslast úr kulda, drattast í vinnuna og verið í hálfgerðu móki í allan dag tók ég ákvörðun um að stytta föstuna niður í þrjá daga... haha.. þannig að síðasti dagurinn er í dag!! Þessi ákvörðun var tekin í samráði við Valdísi og fleiri skynsama vini.. hehe..

Líkaminn mótmælti þessari brútal meðferð... ekki séns að hafa orku í almennilega hreyfingu og hvað þá langhlaup á detox fæði... svo ég tók skynsemina á þetta... en nammibindindið heldur sér hins vegar... ;)

Hlakka verulega til að fá haframjölið mitt í fyramálið...

Hey já, var næstum búin að gleyma!! - Fór í dag á sýningu LHÍ á Kjarvalstöðum og verð að gefa henni flott credit! Margt mjög skemmtilegt og sniðugt þarna... maður gerir allt of lítið af því að fara á listasýningar og söfn hérna heima!

Saló í aldingarðinum...

Var að koma heim úr saumó.... ekkert smá flottheitin hjá skvísunni!! En ekki hvað... þessar elskur eru alltaf með allt á hreinu...
Við mættum allar í kvöld, ellefu skvísur - skólasystur úr HR, sem eru fréttir því það er ekki það auðveldasta að ná okkur öllum saman!! Guðrún Ásta bauð upp á þessa líka heavy girnó pizzu og súkkulaði köku... og mín bara á bullandi föstu... oj hvað ég var svekkt... en ólíkt Evu þá stóðst ég forboðna ávöxtinn... og ekkert smá sátt við það... hugsaði líka eftir á... það eiga eftir að koma margir margir svona dagar í mínu 210 daga nammibindindi!! - So, better get used to it...

Að venju voru samræðurnar verulega fjörugar... það er náttla aaaaalllt látið flakka... hahha...

Hlupum rétt rúma 8km í dag... mér fannst varla taka því að fara í hlaupabuxurnar fyrir það... ekki þegar maður er farinn að hlaupa um 35km á viku - en gerði það nú samt - fyrir Valdísi og Kidda... veit hvað þeim finnst ég heit í þessu outfitti!! Stefnan er að fara upp í ca 36-40 í þessari viku! :) Tökum létt skokk upp dauðatröppurnar og þar á morgun, lengra hlaup á miðvikudag, Esjuna á fimmtudag, aftur 8 km á föstudag og svo 15 km á laugardag...

Þeir sem vilja koma með á Esjuna á fimmtudaginn let me know! Ætlum að reyna að fara um miðjan daginn :)

Annars er ég orðin of þreytt til að hugsa... kenni Jump Fit fyrir Beggu í fyrramálið og það er mikið að gera í vinnunni! Þarf alla orku sem ég get fengið... því maður er í hálfgerðu móki á þessari föstu...

Er það Bermuda??

Það var heldur betur mikið tjútt á okkur Marmaris vinkonum í gærkvöldi!! Mættum heim til Eyglóar í svaka stuði og skoðuðum fuuulllt af myndum og rifjuðum upp ævintýrin í Tyrklandi síðasta sumar... ó boy ó boy hvað við skemmtum okkur vel!! Eygló tók að sjálfsögðu á móti okkur eins og við værum prinsessur... bauð upp á hvítt og svaka veitingar sem við fúlsuðum sko ekki við... hehe... vorum náttla allar í belly dance búningunum sem við keyptum okkur úti... eða ekki!! hehe... held ég hafi farið einu sinni í minn eftir að ég kom heim og það var fyrir private show...
Vá hvað það var gaman!! Leikurinn verður endurtekinn þegar Soffía kemur heim frá Ítalíu...

Það stendur klárlega upp úr dagurinn sem við leigðum okkur skútu með skipstjóra og kokki um borð... sigldum um miðjarðarhafið og syntum í sjónum... létum svo speed bát draga okkur á svona donuts á fleygiferð á söltum sjónum og lágum flatmaga uppi á dekkinu á bátnum í sólbaði þar sem við létum bera í okkur drykki og ávexti... við erum auðvitað ekki þekktar fyrir annað en að gera hlutina með stæl ;)



Það bættist í hópinn og gamanið fór heldur betur að kárna svo við ákváðum að drífa okkur á djammið... þarf ég að segja eitthvað annað en að ég endaði á mínum stað þar sem ég sá um að halda fjörinu uppi... eða eins og Jóhanna myndi orða það.. "það þarf einhver að sjá um skemmtiatriðin fyrir vinkonuhópinn" Við gríslingarnir þrír töpuðum okkur á dansgólfinu og settumst ekki einu sinni niður allt kvöldið!! Við vorum on fire og skemmtum okkur endalaust vel!!

Vorum allar vaknaðar og komnar í Árbæjarlaugina fyrir hádegi!! Geri aðrir betur... Lágum ofan í lauginni með sólina í andlitið og tásurnar upp í loft... mmm... það var næs!! Þarf að fara að redda mér einhverju almennilegu bikiníi fyrir þennan hasarkropp sem ég verð hehehe... ;)

Ekki nema fjórar vikur í Ítalíu!!! Váááá.... hvað ég hlakka til!!!

Later!!

Rockin' the beat!!

Ég er alltaf að toppa mig... ég er svo mikið nörd!! Ég á núna uppáhalds hlaupahring... sem við fórum einmitt í morgun. Ég, Valdís og Óli í þessu líka geggjaða veðri. Það er Elliðárdalurinn, rosa góður 10km hringur... :) þegar við erum við það að klára... eigum svona 1km eftir, tekur Valdís á sprett þvert yfir Ártúnsbrekkuna... ég hélt að hún væri að villast því hún er svo hrikalega áttavillt að það er ekki eðlilegt... svo klára ég hringinn og hugsa hvert í fjandanum hún hafi nú eiginlega farið því við Óli biðum örugglega í svona 20 mín eftir henni... var á tímabili að spá í að fara að leyta... hahaha!

- en nei nei... skvísan hafði vísvitandi lengt hringinn... og ég var ógeðslega abbó því ég átti nóg inni og er svo sjúkleg keppnismanneskja.. hahaha... þannig að ég brunaði upp í sporthús þar sem ég var að fara að kenna Jump Fit og dreif mig út og tók extra 3 km - upp dauðabrekkuna í Hjöllunum í Kóp og allt - áður en ég fór að kenna... restina tók ég svo út á strákunum sem ég held að hafi skriðið út úr tímanum hehe.. er maður bilaður í hausnum eða hvað??? - En mér leið allavega miklu betur á eftir... ;)

Við Rakel ætlum í Jump Fit tíma í New York... hlakka hriiiikalega til!!! Komum heim með ný spor í farteskinu!! :)

Í kvöld á að skemmta sér like never before!! Hlakka rosalega til að hitta stelpurnar!! Ég er í svaka stuði og ekki skemmir veðurblíðan fyrir...:)

Á morgun byrjar svo 11 daga fasta! Ég er búin að éta allt of mikið af nammi í síðustu viku... ég er liggur við búin að borða svona hnetubar á hverjum degi - algjör viðbjóður... og það er bara eiginlega ekki í boði ef maður á að fara að taka þátt í einhverri kroppasýningu eftir 30 vikur!!! Það er naumast hvað maður verður svangur af öllu þessu hlaupi... og hefur ekki beint lyst á mat... En fyrir utan það er ég svo líka á leiðinni til Mílanó eftir fjórar vikur og ég vil geta spókað mig þar um í mínípilsi og hlírabol... ;) (nei rakel ég lofa að taka ekki hvíta pilsið með mér...)

210 dagar í nammibindindi!! Frá og með morgundeginum... ætla að bíða aðeins með yfirlýsingar um djammpásur... þetta er ágætis byrjun ;)

Automatic Supersonic Hypnotic Funky Fresh...

What we think - we become!!

Undirbúningur fyrir Berlínarmaraþonið er on... það verða teknir 15 km í fyrramálið áður en við förum að kenna Jump Fit! Er í óðaönn að updeita playlistann á ipodinum mínum sem er eitthvað að gefa sig... sem minnir mig á að ég verð að redda mér nýjum ipod í sumar!!

Sem þýðir að ég verð bara róleg í kvöld... eða þið vitið - ekkert svona brjálæðislega æst eins og venjulega... hehe..

Svo er víst búið að skrá mig á línuskautanámskeið... frábært.. ekki veitir af.. ég viðurkenni fúslega að ég þurfi á því að halda... kann ekki að stoppa mig... þó ég hafi einu sinni æft listdans á skautum... eða ok, fór á nokkrar æfingar í skautahöllinni... ætli ég hafi ekki hætt eða bara rekin hahaha - af því að ég gat ekki lært að stoppa mig... skautaði örugglega bara alltaf á vegginn til að stoppa... kæmi mér ekki á óvart... ég er svo mikill klaufi...

Farin að hlakka svakalega til að hitta skvísurnar annað kvöld... ætla að djamma almennilega og brenna dansgólfið því svo verð ég víst að taka smá pásu... amk í hvítvíninu því ég þarf að byggja upp þol til að hlaupa 42 km í september!! Mér skilst að ég þurfi að fara 35 km 3 vikum fyrir hlaupið og svo að gíra mig niður aftur... já já þetta verður lítið mál...

Er í partýfíling.. - fyrir þá sem hafa áhuga.. heitar umræður um boltastráka inni á www.dyrunn.bloggar.is ;)

Þetta lag minnir mig svo á Katý - litlu yndislegu vinkonu mína og okkur tvær að tapa okkur á dansgólfinu á Rex einhvern tíman á HR tímabilinu... awww... goood old times!! hehehehe...

Góða helgi..

Kv. Saló partýdýr!!

Já, heyrðu... eigum við ekki bara að byrja saman??!

Ég átti áhugavert samtal við félaga minn úr Sph í gærkvöldi. Talið barst að því hvernig lífið okkar gengi fyrir sig svona dagsdaglega og svona hljómaði lýsingin mín í grófum dráttum;

"ég fer í ræktina á morgnana (ef ég nenni), fer svo að vinna - elska vinnuna mína, fer í ræktina beint eftir vinnu og er þar meira og minna fram á kvöld að æfa, kenna eða stússast... - svo um helgar þá fer ég í ræktina, á kannski nokkra klukkutíma fyrir vini mína og fjölskyldu (sem ég hitti ekki í ræktinni) á laugardeginum, fer svo yfirleitt á djammið og svo er sunnudagurinn notaður til að hvílast og hlaða batteríin fyrir næstu viku..." sem betur fer var lýsingin hans voðalega svipuð því þetta hljómaði pínu svona sad...

Sporthúsið bauð sem sagt starfsfólki í svaka flotta humarveislu á Lækjarbrekku í gærkvöldi... og lét mig að sjálfsögðu ekki vanta! ;)
Tók síðan einn hring í bænum...

Þar sem ég var skynsama skvísan í gærkvöldi og var edrú.. (er að spara mig fyrir Marmaris hitting á laugardaginn) fékk ég það skemmtilega hlutverk að keyra nokkra einstaklinga heim... meðal annars Magga (Núsa) eða Partý Palla eins og við vildum kalla hann (hann var reyndar á því að partý palli væri í Köben!)... ég sver það að ég hélt honestly að ég myndi kálast úr hlátri.. það sem kemur upp úr þessum manni og samræðurnar á milli strákanna í bílnum á leiðinni heim fengu mig til að emja og tárast af hlátri... ég gat ekki meir og varð næstum að stoppa bílinn... fékk krampa í magann og allt... jesús minn...

Ég er að segja ykkur það að ég finn á mér að þetta verður geðveikt sumar....

Live a little ...

Áhrifagjörn - tékk
Hvatvís - tékk
Ævintýraglöð - tékk
Áhættusækin - tékk

Ég var að láta Valdísi plata mig til að taka þátt í Berlínarmaraþoninu í lok september... það eru ekki nema litlir 42 km!!

Ef maður er ekki létt geggjaður þá veit ég ekki hvað... við erum að tala um að ég er að fara að hlaupa í svona 4-5 tíma samfleytt!! En fyrst ég gat hlaupið hálfmaraþonið í fyrra algjörlega á þrjóskunni einni þá get ég hlaupið heilt maraþon í ár!! Eins og Buddha segir "What we think, we become"... :)

Þannig að... brjálæðislega miklar hlaupaæfingar framundan... Við vinkonur gerðum okkur lítið fyrir og tókum 10,5 km skokk seinnipartinn, sem myndi rétt svo kallast upphitun í maraþoninu! Ég brunaði svo upp í Sporthús og beint í danstíma til Gauja.... ég má ekki missa af einum tíma! - og ég er dauð í fótunum eftir því...

Meditating and organizing

"What we think, we become ..." - Buddha

Afmælis...

Elsku Rakel til hamingju með daginn!! :)

Ég fór og skemmti mér fyrir okkur báðar í gærkvöldi í tilefni dagsins!! ;)

Án þess að vera með neinar yfirlýsingar... þá er þetta orðið ágætt held ég!! Er að hugsa um að skella mér í Fit Pilates og Zen (ef við komum okkur einhvern tíman í það! - Unnar??) og hreinsa hugann... svona næstu vikurnar!

Held líka að ég sé búin að plata Oliver teymið í Jump Fit svo nú þyrfti ég bara að plata nokkra frá Vegó líka og þá er ég búin að færa partýið í ræktina... ekkert leiðinlegt við það! ;)

Farin í afmælisköku til sykurpúðans...

Sipp er hollur leikur

Valdís fann áhugaverða grein um sipp sem hún setti inn á síðuna okkar og ég ákvað að deila með ykkur!!! :)

Margir muna vafalaust eftir því frá bernskuárunum að hafa sippað í frímínútunum á skólalóðinni og víðar enda sipp skemmtilegur og hollur leikur. En það eru ekki eingöngu krakkar sem hafa gott af því að sippa því fyrir fullorðna er þetta hin besta líkamsæfing.

Nær allir fremstu íþróttamenn heims telja sipp eina af nauðsynlegustu æfingunum til að halda sér í þjálfun. Á þetta einkum við um hnefaleikamenn og tennisleikara sem stunda íþróttir sem krefjast þess að menn séu sterkir í fótum og snöggir í hreyfingum. Engin önnur íþrótt, eða réttara sagt leikur, er hollari og betri æfing fyrir líkamann með eins lítilli fyrirhöfn.

Íþróttafræðingar hafa reiknað út að 15 mínútna sipp gerir sama gagn og þegar leiknar eru þrjár lotur í tennis, 27 holur í golfi, veggjatennis spilaður í 30 mínútur eða trimmað í 40 mínútur!

Lítill tilkostnaður

Sipp er tilvalin æfing fyrir þá sem lítið eru gefnir fyrir allt pjattið sem oft vill fylgja líkamsrækt, svo ekki sé talað um tilkostnaðinn. Hægt er að sippa nánast hvar sem er úti undir beru lofti eða innandyra þar sem nógu hátt er til lofts. Þá er tilkostnaður sáralítill því aðeins þarf að verða sér úti um gott sippuband og ekki þarf að fara mikill tími í æfingar, nokkrar mínútur á dag nægja.

Flestir forkólfar á sviði líkamsræktar eru orðnir mjög hlynntir því að menn sippi sér til heilsubótar. Með því sé ekki aðeins hægt að draga úr streitu heldur einnig styrkja og efla líkamann. Sipp er talið yngra fólki með öllu skaðlaust. Fólk sem komið er yfir 35 ára aldur og þeir sem eiga við sinaskeiðabólgur eða liðagigt að stríða ættu þó fyrst að leita eftir áliti læknis. Því sipp er ekki aðeins hollur og skemmtilegur leikur heldur heilmikil áreynsla fyrir líkamann.

Þeir sem komnir eru í þjálfun og sippa hratt þrisvar til fjórum sinnum í viku í sex mínútur í senn án nokkurrar hvíldar eru án nokkurs vafa í mjög góðu líkamlegu ásigkomulagi og þurfa ekki að óttast svefnleysi, offitu eða appelsínuhúð.

Best að sippa í skóm

Byrjendum er ráðlagt að verða sér úti um sippuband úr næloni eða hampi og gæta skal að því að bandið sé nógu þungt til að hægt sé að sveifla því með góðu móti. Fyrir þá sem eru „lengra komnir“ í sippæfingum eru fáanleg alls kyns sippubönd, t.d. úr þykku leðri eða gerviefni með sérhönnuðum höldum. Einnig eru til fullkomnari sippubönd með áföstum mæli sem skráir hverja sveiflu. Jump Fit selur geggjuð sippubönd fyrir byrjendur!!

Best er að klæðast fatnaði sem fellur vel að líkamanum þegar sippað er, s.s. æfingagallar eða -samfestingar. Það er mikilvægt að klæðast hnésokkum eða legghlífum til að halda kálfunum heitum. hvað fótabúnað varðar er ráðlegt að sippa aldrei berfættur því það er bæði slæmt fyrir sinar og liðamót. Best er að sippa í æfingaskóm með hæfilega þykkum sóla og ákjósanlegt er að þeir séu vel þykkir undir táberginu. Mér finnst best að sippa í hlaupaskóm (Saló Jump Fit)

Hægt er að sippa inni sem úti svo fremi sem ekki er mjög lágt til lofts. Óráðlegt er að sippa rétt eftir að borðað hefur verið og best er að bíða í um einn og hálfan tíma og jafna sig eftir matinn. Þeir sem lengra eru komnir í sippæfingum ættu tvímælalaust að sippa jafnfætis. Byrjendum er hins vegar ráðlagt að „hlaupa“ yfir sippubandið fyrst með hægri fæti og þegar hann hefur numið við jörðina þá með vinstri fæti án þess að hoppa á milli. Reyna skal að sippa með jöfnum hraða og úlnliðirnir látnir snúast með sippubandinu – þannig þjálfast handleggja-, brjóst- og bakvöðvar.

Góð æfing

Hér á eftir fer sippæfing sem er nokkuð erfið en árangursrík: Um leið og hoppað er á hægri fæti er vinstri fótur í sama mund látinn snerta jörðina mjög lauslega en haldið þétt við hægri fót. Því næst er hoppað á vinstra fæti og tiplað á sama hátt með þeim hægri og þannig koll af kolli. Byrjað er á að hoppa í tvær mínútur, hvíla í eina mínútu og hoppa aftur í tvær mínútur. Þetta er endurtekið þrisvar sinnum. Með tímanum er hvíldartíminn á milli æfinga styttur, fyrst niður í 30 sekúndur og loks í 15 sekúndur.

Holl ráð

Hér eru nokkur holl ráð til handa þeim sem hyggjast æfa sipp sér til heilsubótar:

- Andið ávallt í gegnum nefið.
- Sippið svo létt að ekki heyrist þegar fæturnir snerta jörðina.
- Reynið ævinlega að lenda með táberginu á jörðinni.
- Haldið olnbogunum að líkamanum og snúið sippubandinu aðeins með höndunum.
- Hoppið ekki hærra en svo að sippubandið rétt strjúkist við skósólana.
- Hafið hnén örlítið beygð.
- Horfið beint fram fyrir ykkur þegar þið sippið, aldrei niður.
- Ef þið hafið ekkert svitnað eftir að hafa sippað dágóða stund þá er sýnt að áreynslan hefur ekki verið næg og því sjálfsagt að sippa dálítið lengur.

Það er alltaf skemmtilegra og auðveldara að gera líkamsæfingar þegar hlustað er á góða tónlist og er sipp engin undantekning þar á. Best er að sippa við tónlist með hröðum takti.

Þá er ekki annað eftir en að hvetja fólk til að drífa sig upp í Sporthús og prófa Jump Fit sér til heilsubótar og skemmtunar. Árangurinn af þessari hollu æfingu er meiri en margan grunar.

Classic Fusion

Ekki nóg með að ég sé á leiðinni til Mílanó eftir nokkrar vikur heldur gerði ég mér lítið fyrir og pantaði mér ferð til New York í lok ágúst... það verður næs að stelpast aðeins þar... versla, fara fancy út að borða, kíkja á næturlífið og skoða sig um... einmitt rúmlega ár síðan ég var þarna seinast!! :)

Síðustu dagar hafa aldeilis verið viðburðaríkir... ég hef fengið bæði sorgarfréttir og gleðifréttir... varla náð að átta mig almennilega á hlutunum!

Ein besta vinkona mín er ófrísk... sú fyrsta úr þessum vinkvennahópi... svo við hinar erum trylltar eftir því, skipuleggjandi babyshower og hvaðeina... ;) Það er mikill misskilningur að þó maður sé hoppandi hamingjusamur fyrir hönd vina sinna að maður sé tilbúinn sjálfur... ég er svo mikil stelpa ennþá að ég sé þetta ekki gerast á næstunni.... ég held að Fannar vinur minn hafi áhyggjur af mér því hann sagði mér að finna mér góðan strák og vinda mér í málin... hehe.. ég læt mér duga að passa fyrir ykkur elskurnar... enda sýnist mér að ég muni eiga fullt í fangi með að sinna litlum frændum og frænkum sem eru á leiðinni!! ;)

Er að massa ræktina... loksins komin almennilega af stað.. Strákarnir mínir eru geðveikt flottir sipparar!! Mig logsvíður í brjóstvöðvana eftir allar armbeygjurnar í dag... og ég vona að þeim sé illt líka!! hehe...

Svona verða þeir eftir herbúðirnar mínar...

A scandal in the night... what you say?

....og svo segir Zucchero "baila, baila morena" - "baila under the moonlight"

Ég er að fara til Ítalíu!!!! ...var að kaupa mér flugmiða alla leið til Mílanó!!!! :0)

Það er í fyrsta lagi draumur að koma til Ítalíu og svo hef ég ekki farið út síðan í október í fyrra!! Sem er aaaalllt of langt samkvæmt mínum bókum...

Ég ætla að hitta Soffíu og Bjarna sem er í skiptinámi í Torino og vera hjá þeim í viku. Var búin að lofa að koma út á meðan Soffía væri þarna og vera kærastan hans Snorra á meðan hehe..

Ég er svo spennt að ég er að fríka út!!! Á flug 24. maí svo það er klárlega málið að bretta upp ermarnar og massa ræktina þessar stuttu sex vikur sem eftir eru fram að því!! ;)


Ég held það sé alveg á hreinu að Sporthúsið er mitt nýja heimili... það eru svo sjúkir tímar inni í nýju stundaskránni og ég vil ekki missa af neinum...

Var einmitt að koma úr danstíma hjá Gauja... gömlu jazzballett taktarnir rifjaðir upp og ég að fíla mig í tætlur fyrir framan spegilinn... er að segja ykkur það... þetta er svona fönk/jass/aerobic allt í bland... ruglað fjör!!

Það má greinilega sjá að ég sé að tapa mér í gleðinni hvað varðar ræktina... ég brenni svo mikið að ég er að verða flatbrjósta!!! Æðislegt... en samt er rassinn alltaf þarna... já já.. hann minnkar ekkert...

Ætla að taka smá rúnt... er of upptjúnuð til að vera heima hjá mér!!! :o)

All night long..

Ég fór í fyrsta skipti út að borða á Fiskmarkaðinn í gærkvöldi. Hafði alltaf langað að prófa það. Ég mæli sko hiklaust með þessum stað... fékk mér nokkra sushi bita sem ég borðaði að sjálfsögðu með prjónum ;) Lét wasabi-ið alveg vera... voga mér ekki að smakka það aftur eftir dinnerinn á Thorvaldsen með nemendafélaginu í HR hérna um árið.... Þá var sushi nýtt fyrir mér svo þegar ég fékk diskinn með sushi-inu ákvað ég að byrja á græna "marsipaninu" áður en ég léti vaða í bitana... einmitt... tók þetta í einum bita og hélt ég myndi deyja... wasabi-ið var svo sterkt að ég hugsa að ég hafi farið með heila vatnskönnu á núll-einni... vinum mínum til mikillar skemmtunnar... ég gjörsamlega táraðist og fann ekki bragð af mat í viku á eftir... svo ... passið ykkur á þessu!!

Anyways... ég fékk mér svo hot pot í aðalrétt, sem sagt þorskur og humarhalar á green tea núðlum... nammi namm... ég er sjúk í humar... en fyrir utan afbragðsgóðan mat er staðurinn bara nokkuð töff og þjónustan frábær svo þetta er hiklaust staður sem allir sem kunna gott að meta verða að prófa :)

Kom síðan við hjá gamalli bekkjarsystur úr Hvassó, Sigrúnu Þóris, hún var með smá kveðjupartý fyrir vini sína þar sem hún er á leið til Svíþjóðar í beinmergsskipti. Það var gott að sjá hana aðeins og faðma hana. Veit að hún á eftir að standa sig eins og hetja... þið getið skoðað bloggið hennar hérna www.sigrunth.bloggar.is

Leiðin lá í partý til Valdísar... þar sem við skemmtum okkur konunglega... en ekki hvað!! Sjálf dýramanneskjan ég (eða ekki..) var hálfsvekkt yfir því að voffinn hennar hefði farið í pössun... elska þennan hund... fallegasti hundur sem ég hef séð og eina dýrið sem ég vil koma nálægt...
Liðið hélt á Oliver þar sem við áttum frátekið borð... mikið stuð á okkur!! Ég, Rúrý og Lilja vorum alveg að tapa okkur í gleðinni og ég var svaka glöð þegar Þórey og Hildur bættust í hópinn... við færðum gleðskapinn yfir á Vegó þar sem við dönsuðum fram í nóttina... heimferðin var svo vægast sagt skrautleg... en here I am... búin að massa æfingu og alles og á leið í mat til elsku mömmu...

Það væri gaman að sjá í hvaða röð systkyni mín kommenta hérna hjá mér... þetta er keppni og það eru verðlaun!! ;)

Now I realize that I really didn't know...

Dagurinn byrjaði fullkomlega! Ég hitti Valdísi kl 9 og við hljópum rúma 11 km í þessu líka geðveika veðri... brunaði síðan upp í Sporthús að kenna stráka Jump Fit tíma með henni - ég á ekki nógu sterkt lýsingarorð til að segja ykkur hversu sjúklega skemmtilegt það er...

....rétt eftir að ég kem heim hringir vinkona mín í mig með sorglegar fréttir. Ég sit með tárin í augunum, óskandi þess að ég gæti breytt hlutunum og það hræðir mig hvað við erum máttvana í þessum heimi!!

Ég hugsa með mér - ég hef eytt óteljandi mínútum í að svekkja mig á strákum sem ég hef leyft að brjóta í mér hjartað... í stað þess að beina orku minni og tíma til þeirra sem skipta mig raunverulega máli... fjölskyldu og vina.

Það er nú einu sinni þannig að fólk kemur og fer úr lífi manns, sumir stoppa lengur og skilja eitthvað eftir sig og svo eru það aðrir sem eru alltaf til staðar - sama hvað...

Það er sorglegt hvað við eigum það til að taka hlutunum sem gefnum... sérstaklega þegar kemur að okkar nánustu! Mér finnst það líka sorglegt hvað maður þarf oft slæmar fréttir til að "snap out of it" og beina sjónum að því hvað raunverulega skiptir mann máli í lífinu...

Ég er hætt að spila með.... ég geri bara og segi nákvæmlega það sem mér liggur á hjarta! Þá þarf ég ekki að sjá eftir neinu...

Nýtum tímann vel... búum til minningar... hugsum jákvætt... því við vitum aldrei...

Við skulum lifa fyrir daginn í dag og koma fram við aðra eins og við viljum að þeir komi fram við okkur...

Keep it simple!

Ég hef eitt að segja....

strákar eru skemmtilegri en stelpur... sorry en það er satt!!

Kenndi fyrsta stráka Jump Fit tímann minn í kvöld... og skemmti mér konunglega!! Þeir eru æðislegir... það kom mér á óvart hvað þeir voru góðir!! Meiri challenge... ekkert nema jákvætt við það! :)

Snilldin ein..!!

Er að frískast upp...

Eitt af lokum fyrir þá sem eru að fíla þessa karlrembu...

http://www.youtube.com/watch?v=T0xoKiH8JJM

My life is brilliant - my love is pure...

Sjá þessi fífl...

Enn einn veikindadagurinn heima... mín var heldur bjartsýn þegar ég ákvað að fara að gista hjá Rakel í gærkvöldi og mæta eldsnemma í ræktina í morgun.... það var ekki að gera sig því ég vaknaði verri en í gær og fór að sjálfsögðu beina leið heim í rúmið aftur... en við höfðum það kósý og leigðum okkur vídjó... Þegar ég fór að bursta gargar hún svo á mig "Saló, þú lætur mína bursta vera..." eins og það hafi eitthvað annað komið til greina... ;)

Ég keypti mér frostpinna áðan algjörlega í læknisfræðilegum tilgangi... hélt það myndi laga hálsbólguna... hafði nú einhversstaðar heyrt það.... en þegar ég var hálfnuð með pinnan fór ég að hugsa hvort að ég þyrfti þá ekki að stinga klakanum alla leið niður í kok til að það myndi virka... hehe prófaði það en fannst eitthvað frekar ósmekklegt við það svo ég hámaði hann bara í mig og fékk svo að sjálfsögðu samviskubit...

Ég hef ekkert komist í ræktina síðan á laugardag!! og það er að gera mig geðveika.... ég á eftir að hlaupa eins og vindurinn þegar ég kemst loksins út... ég er sko alveg búin að tárast yfir pirring á þessari hálsbólgu því ég kem varla upp orði og síminn hefur ekki stoppað!! Allir náttla æstir í að fara út í sjoppu fyrir mig eða koma og hjúkra mér... ég bara hef ekki við að afþakka góð boð!! hehe..

En ég get brátt farið að hætta þessu væli því ég fékk meðal hjá lækninum í dag sem ráðlagði mér að láta fjarlægja kirtlana hið snarasta... ég er víst með einhverja tegund af streptókokkasýkingu - þá er sumarfríið mitt allavega komið á hreint!! Hann sagði að þetta væri svona tveggja vikna prósess... frábært...

Búin að fá miða á James Blunt... hinn eina sanna... ;) Hann á sko nokkur lög sem ég tengi við einhver moment... tók einmitt dramaqueen á þetta þegar ég hætti með einum fyrrverandi... pakkaði inn jólagjöfunum frá okkur við lagið goodbye my lover.... hehehe... þá var það ekki fyndið... þá var ég voða sár...

En svona er þetta, tímarnir breytast og mennirnir með... til allrar hamingju :)

Sumarið er tíminn...

Þessi mynd var tekin af okkur Jump Fit skvísunum á Bikarmótinu í Fitness 2007

Ég fæ alveg gæsahúð að hugsa til þess að það séu ekki nema um sjö mánuðir í næsta Bikarmót!! Mikið viðbjóðslega hlakka ég til....

Ég vaknaði eitthvað hálf ómöguleg.. .komst ekkert í ræktina í dag... missti af tíma í lagfæringu líka en sem betur fer gat ég unnið ágætlega heima! Alveg glataðir svona dagar..

Ég er að segja ykkur það að það leiðinlegasta sem ég veit er að vera fastur heima hjá sér veikur!! Ég get svo svarið það að það slær því út að skipta um sængurver og að sitja í flugvél!! Er með massífa hálsbólgu... ég veit að ég þarf að láta taka úr mér kirtlana... en ég eiginlega meika það ekki... ekkert frekar en ég þori ekki að láta draga úr mér endajaxlana... mér hefur aldrei verið vel við sjúkrahúsferðir, sprautur eða blóð...

Fékk geðveikan sumarfíling á laugardaginn... fór út að hlaupa um morguninn með Valdísi. Ég bætti mig... hljóp 8,5km á uþb 40 mín! ánægð með það!! Veit að Bjarney var að fjárfesta í nýjum hlaupaskóm svo að nú förum við að setja alvöruna í þetta... maður verður að geta sprangað um á bikiníinu í sumar án þess að roðna...
Hitti Brynju og Guggu í lunch og um kvöldið kom Jóhanna svo með mér að hitta Elvu vinkonu sem býr úti í Róm. Við hittumst í drykk og ég endaði á djamminu... ekki orð um það meir... nema kannski að ég hitti Thelmu skvís á tjúttinu sem hafði komið óvænt heim frá Köben... sagðist vera með einn Dana handa mér... ég var ekkert smá happy að sjá hana!!

Mhmm... hlakka til sumarsins... ;)

It feels like some kinda rush!! So good...

Kreppa hvað?? Það er þá helst að ég láti einn tyggjópoka duga í staðinn fyrir fimm mismunandi þegar ég geri mín daglegu innkaup í 10-11!! Er of kúl til að bíða í löngum röðum eftir ódýrara bensíni... sérstaklega þegar við erum að tala um nokkra hundraðkalla max... nei.. tíminn er dýrmætari en það - ég mæti sko bara á N1 þegar þess þarf og dæli hressilega á kaggann!! Þetta er sokkinn kostnaður hvort sem er... ekki fer ég að taka strætó!!! - Borða úti í hverju hádegi og á spa kort í Laugum sem ég nota kannski einu sinni í mánuði... strauja kortin eins og það sé mitt lifibrauð! Ætli það sé út af fólki eins og mér sem þenslan í þjóðfélaginu fer út yfir öll mörk og veldur því að kerfið höndlar ekki álagið og springur!? líklega... en ég má nú eiga það að ég hef enn ekki farið til útlanda það sem af er árinu... og þá er mikið sagt - ég held ég hafi farið 11 sinnum á síðasta ári!!

Ég ákvað að endurskoða fjármálin mín og færa öll viðskipti mín yfir í einn banka... þann sem býður best...

En ég held ég sé algjörlega búin að tapa mér og alvarlega dottin í ruglið... ég eldaði mér tofu í matinn í gærkvöldi!! ... með kotasælu og grænmeti.... (girnó!?!) mundi að það er ekkert bragð af tofu!! Og þegar ég fór að pæla í því hvers konar geðveiki ég væri eiginlega búin að tileinka mér... þá áttaði ég mig á því að ég hef ekki borðað mjólkurvörur í lengri tíma... bara sojamjólk (kalkbætt að sjálfsögðu) út á haframjölið mitt á morgnana og sojaost... - en þetta er svaka gott fyrir kroppinn... það er fyrir öllu!

Brálað að gera hjá okkur Emporu skvísum - við fengum einmitt Innlit Útlit í heimsókn til okkar í gær til að mynda graffið á veggnum hjá okkur... tóku smá viðtal við skvísuna í leiðinni.. svo ég mæli með því að þið fylgist vel með skjánum! ;)

Við í Sporthúsinu erum á fullu að kynna ný námskeið sem byrja í næstu viku. Bæði kk og kvk Jump Fit og Herþjálfun. Tækifæri til að taka almennilega á því fyrir sumarið!!

Annars er geggjað veður... aldrei að vita nema maður fari bara út að hlaupa í hádeginu! Var að fá svaðalegar hlaupabuxur frá Reebok... stefnt á jökulsárhlaupið í sumar (13 km) og Reykjavíkurmaraþonið... - undirbúningur fyrir Bikarmótið gengur líka vel... allt í blússandi plús hérna megin... ;)

Tók smá þjófstart á helgina og kíkti í opnun á endurbættum Oliver með Soffíu, Valdísi og tveimur vinkonum hennar... og leist bara nokkuð vel á.. það var alveg pakkað af fólki og ég heyrði í fyrsta skipti BB&Blake spila - fílaði þau mjög vel!

Nóg í bili... dagurinn bíður mín... :)

Living in reality...

Ég má til með að deila því með ykkur hversu magnað mér finnst að það skuli vera hægt að mæla hversu mikið fólk horfir á sjónvarp og hlustar á útvarp og klukkan hvað með nákvæmari hætti en nokkru sinni fyrr með því einu að fá random úrtak til að ganga með PPM kubba sem eru litlir sendar sem mæla rafbylgjur og tíðni í kringum mann... þannig að ekki nóg með að hægt sé að mæla hvenær og hversu lengi þú horfir á sjónvarp heldur einnig á hvaða stöð og hvort þú sért viðstöðulaust fyrir framan sjónvarpið allan tímann!! Ótrúlegt!! Það var Capacent sem kynnti þessa byltingarkenndu tækni á Nordica í dag.. fyrirtæki geta nú fengið vikulegar skýrslur um þetta og spáiði í því hvað þetta hefur auðveldað gerð birtingaáætlana... verður gaman að fylgjast með þróuninni á þessu...

Ég fór nefnilega á tvær áhugaverðar ráðstefnur í dag vegna vinnunnar. Sú fyrri var um samfélagslega ábyrgð fyrirtækja á vegum HR og útflutningsráðs og sú seinni um rafrænar mælingar í auglýsingum á vegum ÍMARK. Ég er að segja ykkur að þessi bransi er jafn æðislegur og hann er harður!! Ég fíla þetta í tætlur...

Við systur vorum óvenjusprækar í morgun og vorum búnar að taka góða æfingu í Laugum þegar klukkan sló ekki nema 8.00 í morgun! - Geri aðrir betur...

Gistum iðulega saman, 25 ára vinkonurnar, til að vakna saman í ræktina... eðlilegt!! Næturgestirnir okkar verða bara að þola það að það er stundum þrengra í rúminu en annars... "bros before hoes" hehe...

Fengum einmitt brjálaðan svefngalsa í gær þegar við vorum að bursta okkur fyrir svefninn... ég hafði óvart tekið burstann hennar Raklar.. - nýjan... í annað skipti á tveimur dögum.. sem sagt tvo nýja bursta... sem hefði svo sem ekki verið mikið mál nema hún á mjög bágt með að nota sama tannbursta og einhver annar. Ég var ekkert að fatta neitt fyrr en hún setti upp mikinn vonsviknarsvip... sem gerði það að verkum að ég sprakk úr hlátri og frussaði yfir allan vask... aftur.. eðlilegt!! Eftir það varð bókstaflega allt fyndið...

Pre-opening á Oliver á morgun... þetta er að verða svaka flott hjá þeim!

En the big news of the week eru þær að það eru að hefjast spes stráka Jump Fit námskeið í næstu viku þar sem áherslan er lögð á snerpu, stökkkraft og hörkubrennslu... það verður algjör snilld að kenna þessa tíma!! Strákar eru svo skemmtilegir...

Fyrsti Lipstick Jungle þátturinn að byrja... maður má ekki missa af því!!

1. apríl

Það er þvílíkur föstudagur í mér... ætli það sé góða veðrið?? Eða af því að það er útborgunardagur??

Ég er allavega í fíling...

Brjálað að gera í vinnunni... og brjálað að gera í Jump Fit...

Í næstu viku eru í fyrsta skipti að byrja kk námskeið í Jump Fit - allt að fyllast af fótboltastrákum... let me know ef þið viljið komast á þetta námskeið... :)

Er ekki búin að hlaupa apríl... þó ég sé alltaf hlaupandi!!! Ha - ha - ha....

Reyndar fékk ég frekar big news í morgun hjá vini mínum... en ég held hann hafi ekki verið að plata mig.. hann var allt of spenntur þessi elska... ;)

Jú reyndar bað Jóhanna mig um að hringja í sig í eitthvað númer sem ég hélt að væri heima hjá henni og ég gerði það að sjálfsögðu... en það var auðvitað rauða torgið... hringdi úr vinnusímanum!!