Ég leiddi hugann að því í dag hvað ég get verið ofboðslega vanaföst, sumir vilja jafnvel kalla þetta þráhyggju eða taka svo djúpt í árinni og segja þetta vera vott að geðbilun... Ég er með svona óafvitaða rútínu gegnum daginn... eða allavega fyrri part dagsins. Eins og til dæmis í ræktinni þá er ég alltaf á sama stað í búningsklefanum og raða alltaf eins inn í skápinn, fer alltaf í sömu sturtuna og set á mig lotion og einhver krem og það allt í sömu röðinni... fyndið að Rakel vinkona er líka svona, og einu sinni rak hún mig úr "sinni" sturtu í Laugum... þá komumst við að því að við "áttum" báðar sömu sturtuna...
Hvar er góða veðrið frá því í morgun?? Ég var búin rétt fyrir 11.00 með morguntörnina í vinnunni og ætlaði aldeilis að nýta veðrið. Náði að draga systur mína með mér í sund gegn því að hún fengi að vera í Stella McCartney bikiníinu mínu en svo þegar við komum ofan í laugina þá var sólin horfin... bömmer!! Með þessu áframhaldi held ég að eina brúnkan mín þetta sumarið verði úr flösku!!
Ég er ekki að sjá fram á útilegu hjá mér og mínum um helgina.. allir að vinna, í útlöndum eða HORFA Á FÓTBOLTA!! Ég verð sjálf að vinna eitthvað en það gæti verið að maður tæki einhver rúnt út á land, kíkti kannski í sund á Örkinni hjá Rachel og grillaði sykurpúða á einhverju túni!! Who knows!! Annars skilst mér að spáin sé ekkert spes...
Hvernig verður helgin hjá ykkur? Feel free to speak... ég bít ekki... oft!!
miðvikudagur, júní 28, 2006
Gerast áskrifandi að:
Birta ummæli (Atom)
Engin ummæli:
Skrifa ummæli